நாடி படித்தல் மூலம் ஒருவரது கர்ம வினையை அறிதல், சிக்கல்களின் மூலாதாரத்தை கண்டறிதல்

கர்மவினை என்பது என்ன ?

கர்மவினை என்பது பிராரப்த கர்மா, சஞ்சித கர்மா, ஆகாமிய கர்மா  என்று மூன்று வகையாக இருக்கிறது.  

பிராரப்த கர்மா என்பது இந்த பிறவியில் நாம் அனுபவித்துக்கொண்டுள்ள இன்ப துன்பம் என்ற கர்ம வினைகளின் தொகுப்பாக அமைந்திருக்கிறது. 

சஞ்சித கர்மா என்பது இந்த பிறவியில் நாம் இனிமேல் எதிர்கொள்ள வேண்டிய கர்மா வினைகளின் தொகுப்பாக அமைந்திருக்கிறது.

ஆகாமிய கர்மா என்பது இனிமேல் நாம் எடுக்கக்கூடிய பிறவிகளில் பலனை அளிப்பதற்கான கர்ம வினைகளின் தொகுப்பாக அமைந்திருக்கிறது.

ஒருவரது வாழ்க்கையை இந்த மூன்று விதமான கர்மவினைகள் தான் வழிநடத்திச் செல்கின்றன. மனித வாழ்வில் ஏற்படக்கூடிய துன்பங்களுக்கு  பிராரப்த கர்ம வினைகளை அகற்றும் பொழுது தற்போதைய நடைமுறை துன்பங்களுக்கு ஒரு விடிவு ஏற்படுகிறது. அதை சித்தர்களுடைய வழிமுறைகளை பயன்படுத்தி ஒருவருடைய நாடியை அறிந்து படிப்பதன் மூலமாக பிராரப்த கர்மாவை சுலபமாக தீர்த்துக் கொள்ள முடியும். 

சஞ்சித கர்மா என்பது பல பிறவிகளாக பின் தொடர்ந்து வரக்கூடிய கர்ம வினைகளை குறிப்பிடுகிறது. அந்த சஞ்சித கர்ம வினை என்பதை அவ்வளவு எளிதாக உடைக்க இயலாது. அதன் காரணமாகவே மனிதர்களால் தாங்க இயலாத துன்பங்களான பலவித நோய்கள்,  பொருளாதார முடக்கங்கள்,  உடல் மற்றும் மன ரீதியான தீர்க்க இயலாத சிக்கல்கள் ஏற்படுகின்றன. அதற்கான சரியான தீர்வுகளும் சித்தர்கள் நாடிமுறையில் மற்றும் பல்வேறு ஆன்மீக வழிமுறைகளில் தீர்ப்பதற்கு நெறிகளை வகுத்து அளித்துள்ளார்கள்.

ஆகாமிய கர்மா என்பது இனிமேல் எடுக்கக்கூடிய பிறவிகளுக்கு கொண்டு செல்லப்படும் என்பதன் மூலம் அது முற்றிலும் ஆன்மீக ரீதியான வழிகாட்டுதல்கள் மூலமே கண்டறிந்து தீர்க்கப்பட முடியும். அதற்கான வழிமுறைகளையும் சித்தர் பெருமக்கள் நமக்கு தந்து சென்றுள்ளார்கள்.

திரிகாலாவில் மேற்கண்ட மூன்று விதமான கர்ம வினைகளையும் அகற்றுவதற்கான நாடி படிக்கும் தெய்வீக வழிமுறை சித்தர்களின் வழிகாட்டுதலின்படி மேற்கொள்ளப்படுகிறது.